Est su chi at petidu s’Ispagna chi pro turnu como at sa presidentzia de su Cussitzu d’Europa su cale supra s’argumentu at cumpetentzia primaria. E s’Italia pro su sardu? Mancu a ne arresonare, ma puru in Ispagna non si ne aiat mancu arresonadu si su partidu de Peugemont, Units, no aiat postu cunditziones giustas e pesantes pro podere aberrere un’arresonu cun su primu ministru in pectore ispagnolu. Custu tipu de tratativas sunt possibiles ebbia cando una natzione chene istadu tratat che istadu cun s’istadu dominadore, cando si ant eletos in listas disgiuntas dae cussas dae su sistema politicu dominadore e non cando cun isse si faghet ammisturu e collaboratzionismu. Peugemont che a Pujol dimustrat de ischire sa misuras politicas dechidas pro agiunghere diritos a sa natzione Catalana. Inoghe sas eletziones sunt galu unu “cuncursu a cadira”.
