Unu sistema energeticu sardu, istudiadu dae sos sardos, pro sos sardos.
Pro colare dae su nono a sa proposta una tropa de sardos espertos ant istudiadu su sitema energeticu sardu ENERGIA DECHIDA e lu ponent a s’atentzione de totu.
Cun sa punna de che essire cantu in antis possibile dae s’era de sa generatzione de energia derivada dae sa combustione de matèrias fòssiles e cun s’assoluta opositzione a sas tzerachias energèticas chi si cherent impònnere a sa Sardigna tràmite impiantos chi suta de sa mascaradura de sa transitzione energètica permitent sa fura de sas risursas energèticas nostras rennovabiles, sole, bentu e mareas dae parte de sos peus corsaros de su setore. Medas sardos in unu percursu cumpartzidu fintzas cun unas cantas amministratziones comunales, raportende·si a su problema cun responsabilidade e intendende netzessàriu pro sa Sardigna aviare unu protzessu de transitzione energètica, dechidu e urgente pro su pòpulu sardu e fintzas totu su mundu, at istabilidu unos cantos puntos firmos a sos cales devet rispòndere cale si chi siat progetu de sistema energèticu sardu.
– Zero produtzione de CO2;
– Zero combustione di fossiles de calesiat gènere;
– Zero usu chimicu de fossiles o ateru che residuant CO2 o ateras sustantzia lubadoras de su logu e de sa gente;
– Zero gasdotti definitivos;
In una economia tzirculare e collaborativa chi cunsiderat su bene no in cantu proprietade ma pro sa funtzione chi isse faghet in sa sotziedade si proponet s’istitutzione de sa Rendita Energetica pro podere comporare sos impiantos e superare sa Povertade Eneregetica.
